2019: Duj tschibtschkero tschavengero musical „Tikno Dodo, so tu kheles?“
MAKING OF – DODO Backstage: https://youtu.be/P6R77UCFIvM
Dugi versijona „Tikno Dodo, so tu kheles?“: https://youtu.be/ZTYPnZiN6rU
Pal i glajchi anavengeri kenva la SERENA ROMANELLIJATAR taj le HANS DE BEERISTAR (Nord Süd falog)
Muschika: o cile dschila andar CD taj MC „Tikno Dodo, so tu kheles“ Tekst: Hans de Beer/Serena Romanelli, Muschika: Detlev Jöcker), ham na:
Tigertango (Komposicijona: Richard Rudolf Klein, Tekst: Eva Rechlin, Falog: Fidula); Schnappi (Falog: Universal music); Coole Bongodisco (Muschika: Alfred Jirovec, Tekst: Alfred Jirovec, Falog: Helbling)
Prikbeschariptscha: Jelka Zeichmann-Kocsis
Kinstlerischi vodinipe & reschi: Jelka Zeichmann-Kocsis
Adaj dschilal taj khelel o KUGA-jakero-tschavengero chor
O gondo uso musical: Vasch o 25to jubilejum la KUGA-jatar, o KUGA-jakero-tschavengero chor ada vodschikano falato andar o varno vesch andar Borneo, siklino. Jelka Zeichmann-Kocsis: „Tikno Dodo, so tu kheles, dugi cajt i lek feder kamli kenva mre tschavestar sina. Mindig iste i historija la mamucatar, savi hegeduja cidel, phukavahi. Kada o prindschardo tschavengero dschilengero keraschi Detlef Jöcker aja historija ojs schunipeskero khelipe le dschilenca, taj jeka CD-jaha taj la dschilengera kenvatar ari dija, o falato amaro familijakero barikanipe ule.“ I tema le falatostar hi o barikanipe la muschikatar vaj le instrumentali khelipestar le manuscheske taj (ande ada peripe) la marhake. So jeke tschavengere choriske feder ojs anglepaschlojipe jeka produkcijonake schaj ol, sar aja tematika, taj te hatek jek dscheno le choristar, hegeduja siklol! O duj tschibtschakero prikbescharipe amenge jek sako diveseskero koja hi, kaj interkultureli khetanipe jek barikano cil la KUGA-jatar hi.
Usi historija: Dodo, o tikno Orang-Utan, ando varno vesch jek hegeduja lakel taj use jek vojaschno muschikaschi ol, erschtivar ham na usi voja le avre familijakere dschenendar. O kesdimo harujipe ham bojd use jek schukar muschika ol, ada bojd o cile marhi le varne veschestar phenen, ham na o krokodil. Jeke diveseske i hegeduja lel, taj schnap – le Dodoskere cidipe jek kisetinipe hi. Mindig? Na, le Dodoskeri briga pedar o naschajipe leskere kamle instrumentostar, leskeri daj taj leskero dad naschtig diken. Le Dodoskera daj jek gondo hi: O batschi Darwin taj leskeri bota! Pal jek dugi roas upri sapajengeri len, uso batschi Darwin ale. Tschatschikan laken on use leste jek hegeduja taj na dur paloda, del o Dodo leskere pajtaschenca jek baro varno vescheskero koncerto.
Koji taj butjakere aunpschlojiptscha: …hatek o glajchi hi, sar uso cile avre tschavengere produkcijontscha: O khelaschtscha hatek ande duj tschibtscha vakeren taj dschilan, kekaj but lendar nisaj horvacke vurclini nan. Jek schukar tschavengeri kenva taj te jek schukar muschikakeri-CD, i butjakeri basis hi. I tema hi, o kamipe usi muschika. Adale projektoha schofintscham le, use jek bari grupn le tschavendar, o tschibtschakero dschanipe feder te kerel taj i horvacki tschib ojs medijum le krejativi ardschumintschagostar upre te asdel. Tschave horvacka taj nimtschka dajakera tschibtschaha talalinde pumen, khetan ande jek duj tschibtschakero projekto te butschalinel. Afka la tolerancake taj jeke latsche gondoske usi horvacki tschib ande so duj grupn, pomoschim ulo. Teldikipscha taj aunvastaripeskere darja tel baunim ule taj le nimtschke tschibtschakere tschavenge jek khelipeskero usedschajipe usi avrethemutni tschib, famitlim ulo. Le horvacke tschibtschakere tschavenge o projekto duach o latsche terdschijiptscha jek soraljaripe la ajgeni identitetatar ojs dscheno la horvacka flogoskera grupnatar, antscha. On i horvacki tschib ojs glajchi medijum ando pradimo than schaj terdschivde. I CD, savi andi buti hi, la ciliskera grupn bareder kerel. Oj privati dschenenge taj te duj tschibtschakere ischkolenge taj tschavengere barjenge hi.
Alle Projekte