1997: KUGA-produkcijona „Latscho habe“

Duj tschibtschakere musicalistar
Ada amaro erschti baro teateriskero-projekto sina, ande savo horvacke taj nimtschke tschibtschakere tschave, khetan so duj tschibtscha, vakernahi.
O horvacko adaj so duj grupnendar ojs barvalipe terdschivdo schaj ulo taj na ojs na latscho koja vaj argranicalipe. O nimtschke tschibtschakere tschave adaj i tschib le horvackendar schaj te prindscharel sikline. On oni teldikiptscha o umdschajipe avre tschibtschakere vakeraschtschenca sikline. O horvacke tschave hatek pumari tschib ande jek khelipeskero-krejativi umdschajipe ojs glajchi terdschivde.
Ojs basis adala produkcijonatar o musical „Mahlzeit“ – „Latscho habe“ la Mechthild von Schoenebeckatar ande duj tschibtscha prik lim ulo.
Vasch jek Fast-Food-mojakero taj jek bijo bota dschal, savengere schere pelinen, kas o feder produktscha hi. Ando kisetinipe pal but hojaniptscha uso koja pele, hot tschak jek khetano angledschajipe uso feder koja vodinel: Bijo-Fastfood.
Upro tschibtscha prik paschlardo butschol ada: patijardo taj barvalo hi o khetanipe, hatek o duj tschibtschakero dschanipe taj na o kejmpfinipe.
Usi produkcijona valami 40 tschave ando phuripe usar 6 dschi 12 berscha use sina. Pasche kheliptscha andi KUGA taj Betschiste, te jek videjo kerdo ulo.

